Úr fréttatilkynningu:

​

Það er ekki seinna vænna í öllu heiðurstónleikaflóðinu en að heiðra eina merkustu sveit allra tíma The BEATLES.

​

Það er sannarlega líka tilefni til því um þessar mundir er liðin um hálf öld frá því að fjórmenningarnir frægu komu fram á sjónarsviðið og breyttu þar með tónlistar- og veraldarsögunni .

​

Fjórmenningarnir sem stíga á svið í Háskólabíói eru heldur engir aukvisar og fara þar nokkrir af öflugustu söngvurum þjóðarinnar og ekki síður undirleikssveitin enda þar valin maður í hverju rúmi.

​

Þessi glæsilegi hópur mun stíga á svið í Háskólabíói og flytja allar helstu perlur The BEATLES og gera þeim skil á sinn einstaka hátt. Þetta er kjörið tækifæri fyrir Bítlaaðdáendur á öllum aldri að upplifa og njóta þessarar snilldar í flutningi okkar færustu listamanna og konfekt fyrir bæði augu og eyru.