Úr fréttatilkynningu:

​

Meistara Bowie verður minnst á tónleikum í Hörpu 29. apríl nk.

Í kjölfar óvænts fráfalls eins mesta snillings tónlistarsögunnar er það með lotningu sem hér með tilkynnist að blásið verður til minningatónleika í Eldborgarsal Hörpu föstudagskvöldið 29. apríl 2016.

​

Á tónleikunum mun verða leitast við að heiðra minningu Bowie á tignarlegan og heiðvirðan hátt þannig að tónlist hans megi njóta sín sem best í hópi 

okkar fremstu flytjenda. 

​

Fjársjóðir Bowie í lagasmíðum eru endalausir og fjölbreytnin ótrúleg. Öll þau tímabil og blæbrigði sem ferill hans spannar munu skapa ógleymanlega stemmingu þetta kvöld í Hörpu. Við syrgjum meistara Bowie og fögnum við því að tónlist hans mun lifa og það telst til forréttinda að fá þann heiður að geta boðið landsmönnum að njóta kvöldstundar með okkur í Hörpu föstudaginn 29. apríl.

Góða skemmtun!