Súellen er án efa ein besta og vinælasta hljómsveit sem Austurland hefur alið. Fyrsta platan kom út árið 1987. Þá komst hljómsveitin með lagið "Símon er lasinn" í fyrsta sæti vinsældarlista Rásar 2. Í kjölfarið fylgdu svo lög sem allir þekkja. Elísa (’88), Kona (91), Ferð án enda (’92), og Þessi nótt (’93) svo einhver séu nefnd. Hljómsveitin fór í frí 1993 en hefur alltaf spilað annað slagið á stórdansleikjum síðan þá. Nú í vor kom svo út nýtt lag á safnplötunni Halló, halló, halló sem Edda gaf út. Það er lagið "Svart silki" sem mikið hefur verið spilað á Rás 2.

Hljómsveitin er svo að leggja lokahönd á nýja plötu sem kemur út fyrir jól. Þar verða ný lög í bland við eldri smelli.

Súellen hefur verið í samstarfi við Dúkkulísur að undanförnu og eru það frábærir dansleikir þegar þessi Austfjarðagoð koma saman.

Hljómsveitina Súellen skipa:

Guðmundur R. Gíslason: Söngur.

Steinar Gunnarsson: Bassi, söngur, raddir.

Jóhann Geir Árnason: Trommur og ásláttur

Ingvar Lundberg: Hljómborð og píanó

Bjarni Halldór Kristjánsson: Gítar, raddir.

Þessi liðskipan hefur verið óbreytt frá 1998.

Áður voru í hljómsveitinni til skemmri tíma: Árni Víðir Alfreðsson, Jón Benjamín Einarsson, Ragnar Lundberg, Þorsteinn Lindbergsson, Magnús Bjarkason, Ármann Einarsson, Guðmundur Loft og Tómas Tómasson sem starfaði með bandinu er fyrsta platan var gefin út 1987 og gamanið hófst fyrir alvöru.