Hljómsveitin Napoleon er án efa ein efnilegasta hljómsveit landsins og hefur starfað síðan sumarið 2004. Meðlimir hljómsveitarinnar eru fjögur frændsystkini – rúmlega tvítug – sem þrátt fyrir ungan aldur hafa mikla reynslu og hafa leikið um mest allt land við alls konar tilefni, m.a. á dansleikjum, skólaböllum, árshátíðum, afmælum, brúðkaupum, brekkusöngvum o.fl.

Hljómsveitin býr yfir mjög fjölbreyttu lagaprógrammi og getur auðveldlega lagað það að áhorfendum hverju sinni svo litlu máli skiptir um hvaða aldurshóp er að ræða eða hversu blandaður hann er. Umfram allt eru þó vönduð vinnubrögð og fagmennska ávallt höfð í fyrirrúmi, auk þess sem bandið þykir ná einstaklega vel til áhorfenda með einstakri spilagleði.

Einnig er Napoleon með frumsamið efni sem hentar sérlega vel á t.d. tónleikum.

Hljómsveitina skipa:
- Hlynur Þór – Trommur og aðalsöngur
- Sindri Már – Gítar og söngur
- Björk – Gítar og söngur
- Hörður Már – Bassi og söngur