Hljómsveitina Hvar er Mjallhvít? skipa fjórir hressir strákar frá Reykjavík. Sveitin hefur starfað í núverandi mynd frá vormánuðum 2007. Sögu sveitarinnar má þó rekja allt til ársins 2005 en kjarni hljómsveitarinnar hefur haldið hópinn frá blautu barnsbeini.
Hljómsveitin hefur tileinkað sér að spila balltónlist þ.e. tónlist fyrir: brúðkaup, árshátíðir, dansleiki, veislur af öllum stærðum og gerðum.
Hvar er Mjallhvít? hefur spilað á böllum út um allt land og við ýmis önnur tækifæri. Við erum með frábært ballprógramm sem inniheldur bæði gamla og nýja smelli, þannig að hljómsveitin hentar mjög vel breiðum hópi fólks.
Hvar er Mjallhvít? er einnig búin að sanna sig í laga- og textasmíðum! Hljómsveitin skellti sér í stúdíó og gekk frábærlega vel! Heil 10 lög voru tekin upp og stefnir hljómsveitin á útgáfu sinnar fyrstu breiðskífu í á þessu ári. Hvar er Mjallhvít? er þó engan vegin hætt í ballbransanum, einungis búin að skapa nýja vídd innan hljómsveitarinnar.