Hljómsveitina DALTON þarf ekkert að kynna fyrir landsmönnum enda án efa ein hressasta og fjölhæfasta ballhljómsveit landsins. Hljómsveitin gaf nýverið út sína fyrstu breiðskífu "Ágætis Dómar" sem hefur að geyma hittara á borð við, Gæsalagið, Halló heimur og Jólo Ono. Hinir gríðarhressu Böddi (söngur), Danni (gítar) og gítarhetjan Gunnar Hilmarsson skreyta framhlið hljómsveitarinnar með kraftmikilli og hressri sviðsframkomu. Rythmalímið Kiddi Gallagher (bassi) og Maggi Magg (Trommur) steypa hinn gríðar þétta grunn Dalton sem ekkert getur haggað. Hljómsveitin er fær í allt frá unglingadansleikjum í rokkaðri kanntinum í sveitaböll, þorrablót, gæsa- og steggjapartí, brúðkaup, árshátíðir, dinner og í allt sem tónlist getur bætt og kryddað. Meðlimir DALTON taka sjálfa sig ekkert of hátíðlega þó alltaf sé staðið fagmannlega að verki. Hvert sem erindið er, er alltaf stutt í húmorinn og fjörið hjá DALTON.