Söngdívan Ína Valgerður sem fór hreinlega á kostum og lenti í öðru sæti í úrslitum Idol Stjörnuleit 2006, hefur komið sér upp gríðarlega myndarlegri hljómsveit. Bandið er ungt og efnilegt en strákarnir hennar Ínu hafa spilað saman undir öðrum nöfnum síðan þeir voru 12 ára þannig að þéttleikann vantar ekki í bandið. Þau tóku forskotið á sæluna síðasta sumar og spiluðu á yfir 25 viðburðum. Fólk hafði það á orði að bandið væri líflegra, hressara og ferskara á sínum tónleikum en áður hefur þekkst . Lagalistinn er stór og breiður en sveitin leggur mikla áherslu á dansvæna tónlist og byggir mikið á diskói, eldri motown lögum sem hljómsveitin hefur sett í algjörlega nýjan búning, ásamt nýlegri popptónlist.

Hljómsveitin er skipuð;


Ína Valgerður – Söngur
Bjarni – Bassi
Rafnar Orri – Gítar
Jakob Pálmi – Gítar
Reynir Aðalsteinn – Trommur